လူကုန်ကူး ခံရသူများတွင် ဘွဲ့ရပညာတတ်များလည်း ပါဝင်နေ

လူကုန်ကူး ခံရသူများတွင် ပညာတတ်ဘွဲ့ရများလည်း ပါဝင်လာကြောင်း မြန်မာနိုင်ငံတွင် ဖြစ်ပေါ်ခဲ့သည့် လူကုန်ကူးမှု ဖြစ်စဉ်များအပေါ် လေ့လာသုံး သပ်ချက်များအရ သိရသည်။

လူကုန်ကူးခံရသူများတွင်လူတန်း စားမျိုးစုံပါဝင်လာပြီး ပညာမတတ်၊ ဗဟုသုတ နည်းပါးသူများအပြင် ပညာတတ်များပါ ပါဝင်လာသည် ဟု ၂၀၀၉ ခုနှစ်အတွင်းတွင် ဖြစ်ပေါ်ခဲ့သည့် လူကုန်ကူးမှု ဖြစ်စဉ်များအပေါ် ပြည်ထဲရေးဝန်ကြီးဌာန၊ မြန်မာနိုင်ငံ ရဲတပ်ဖွဲ့မှ အဆင့်မြင့်ရဲအရာရှိ ကြီးတစ်ဦးက ပြန်လည်သုံးသပ်၍ ပြောကြားသွားခဲ့ခြင်း ဖြစ်သည်။


"၂၀၀၉ ခုနှစ် တစ်နှစ်တာ အတွင်းမှာ ဖြစ်ပွားခဲ့တဲ့ လူကုန်ကူးမှု ဖြစ်စဉ်တွေကို ပြန်လည်လေ့လာ သုံးသပ်ရမယ်ဆိုရင် ပညာတတ်၊ ဘွဲ့ရ တွေပါဝင်လာလာပြီး ရှေ့နေတွေ တောင် ပါနေတာကိုတွေ့လာရပါ တယ်။ အရင်တုန်းက လူကုန်ကူးခံ ရတယ်ဆိုတဲ့သူတွေဟာ စာမတတ်လို့၊ ဗဟုသုတနည်းပါးကြလို့ဆိုတဲ့ သုံးသပ်ချက်တွေရှိခဲ့ပေမယ့်ငွေကြေး ချို့တဲ့လာကြတာ၊ ဆင်းရဲနွမ်းပါး တာတွေကလည်း လူကုန်ကူးခံရခြင်း ရဲ့ အကြောင်းရင်းတွေ ဖြစ်လာကြ တယ်။ နောက်ပြီး ပစ္စည်းဥစ္စာရှိ၊ အိမ် နေရာရှိတဲ့သူတွေလည်း လူကုန်ကူးခံ ရတဲ့အထဲမှာ ပါဝင်လာတာကို တွေ့ရပြန်တယ်။ လူကုန်ကူးခံရတဲ့သူတွေ ထဲမှာ ပညာတတ် ဘွဲ့ရတွေပါဝင်မှု များလာတဲ့အပြင် ၁၀ ရာခိုင်နှုန်း လောက်က ၁၀ တန်း အောင်မြင်ပြီး သူတွေ ပါနေကြပါတယ်။ အခြေခံပညာ အလယ်တန်းအဆင့်တွေလည်း ပါပါတယ်။ ဒါ့အပြင် ပြည့်တန်ဆာတွေလည်း ပါဝင်နေပါတယ်။ သူတို့တွေကတော့ ဟိုဘက်မှာအလုပ်သွား လုပ်ဖို့ဆိုတဲ့ ရည်ရွယ်ချက်နဲ့ကို အုပ်စု လိုက်သွားကြတာတွေလည်း ရှိနေပါတယ်။ လူကုန်ကူးမှုတွေ အဓိက ဖြစ်ပေါ်နေရတာ၊ လူကုန်ကူးခံနေရ တာတွေရဲ့ အဓိကဖြစ်ရပ်က ဆင်းရဲ နွမ်းပါးခြင်းတွေကြောင့်ပဲလို့ နိုင်ငံ တကာက လက်ခံယူဆထားကြပါ တယ်" ဟု မြန်မာနိုင်ငံရဲတပ်ဖွဲ့မှ အဆင့်မြင့် ရဲအရာကြီးတစ်ဦးက သုံး သပ်ပြောကြားသွားခဲ့သည်။


လူကုန်ကူးခြင်း ခံရသည့်သူများတွင် ပညာတတ်များပါဝင်လာမှုအပေါ် "ဆင်းရဲနွမ်းပါးမှု၊ အလုပ်အကိုင် ရှားပါးမှုတွေအပြင် တိုးတက်ချင် လိုစိတ်၊ ငွေရှာချင်လိုစိတ်နဲ့ လူငယ် တွေကတော့ စွန့်စားချင်တဲ့ စိတ်တွေ ကြောင့် ပြည်ပနိုင်ငံတွေမှာ အလုပ်သွားလုပ်ကြမယ် ဆိုရာကနေ ခေါင်းပုံဖြတ်ခံရပြီး လူကုန်ကူးခံရတဲ့ ဖြစ်စဉ်တွေ ဖြစ်ပေါ်လာတာကို တွေ့ရ တယ်။ အလုပ်ကြမ်းလုပ်မယ့်သူက အလုပ်ကြမ်းအလျောက်၊ ပညာတတ်က ပညာတတ် အလျောက် ပြည်ပ မှာအလုပ်လုပ်ကိုင်ဖို့ သွားရောက်ကြတာကနေ လုပ်အားခေါင်းပုံဖြတ် ခံရတာ၊ လုပ်ခလစာခေါင်းပုံဖြတ်ခံရ တာ၊ အဓမ္မ လုပ်အားခိုင်းစေခံရတာ တွေရှိနေပါတယ်။ ဒါ့အပြင် အဓမ္မ ထိမ်းမြားခံရတာ၊ ပြည့်တန်ဆာ ပြုခံရတာတွေလည်း ရှိနေတဲ့အတွက် ဒီလူကုန်ကူးမှုမြောက်တဲ့ ဖြစ်ရပ်တွေဟာ ကမ္ဘာနဲ့အ၀န်းမှာ ကြီးမားတဲ့ ပြစ်မှုတွေ ဖြစ်လာနေပါပြီ။ ဒါကြောင့် လူကုန်ကူးမှုတိုက်ဖျက်ရေး၊ ပညာပေးရေးတွေ ပိုမိုထိရောက်အောင် ဆောင်ရွက်ဖို့ အရေးကြီးတဲ့ကဏ္ဍ ဖြစ်လာပါပြီ"ဟု ပြည်ပလုပ်သားရေးရာနှင့် လူကုန်ကူးမှုများအကြောင်း ကို သုတေသနပြု လေ့လာသုံးသပ် နေသူ စာရေးဆရာ ၀င်းနိုင်ထွန်းက ပြောကြားခဲ့သည်။