စက္ခုနှစ်ကွင်း အမြင်ရှင်းစေဖုိ့

မိုးက တဖွဲဖွဲ ရွာနေသည်။

ထီးကြီးအကာအကွယ်ကြောင့် လေညိုကုန်း လက်ဖက်ရည် ဆိုင်ကလေးတွင် မိုးစိုမည်ကို ပူစရာမလိုဘဲ အေးအေးဆေးဆေး လက်ဖက်ရည် သောက်နိုင်၏။

ဓာတ်ခွဲခန်းမှူး ဦးဥာဏ်အုန်းသည် ဂျာနယ်တစ်စောင် ဖတ်ရင်း လက်ဖက်ရည်ကို ဇိမ်ခံသောက်နေ၏။
ထိုစဉ် ဝတ္ထုတို ဆရာမ မစံပယ်နှင့် ကဗျာဆရာမ မကြည်ဆွေတို့ ရောက်ရှိလာ၏။ လေညိုကုန်းသို့ လာနေကျ ဝိုင်းတော်သားများ ဖြစ်ကြ၏။

''ဦးဥာဏ်အုန်း၊ ဆားပုလင်း ကြီးမလာဘူးလား''

အငြိမ်းစားရှေ့နေကြီး ဦးလှမောင်သည် စာဖတ်ဝါသနာပါ၏။ အငန်လည်း အလွန်စွာကြိုက်၏။ သွားလေရာတွင် ဆားပုလင်း အသေးကလေး ယူဆောင်သွားတတ်၏။ ထို့ ကြောင့် ရင်းနှီးသူများက ဆားပုလင်း နှင်းမောင်ဟု နာမည်ပြောင် ပေးထား၏။

''မလာဘူးဗျ။ ဟိုနေ့က ကျွန်တော့်ဆီက A.J. Cronin ငှားသွားတယ်။ အဲဒါပြီးအောင် သူဖတ်နေပြီ။ ပြီးရင်လာဆွေးနွေးလိမ့်မယ်''

စာအုပ်စုဆောင်းရန် ဝါသနာ ကြီးသော ဦးဥာဏ်အုန်းသည် A.J. Cronin မူရင်း ဝတ္ထုများရော၊ ဘာသာပြန်များပါ စုဆောင်းထား၏။ ဦးလှမောင်က The Stars Look Down ဝတ္ထုရှည်ကြီးကို ငှားသွားခြင်းဖြစ်၏။

''ဆားပုလင်းကြီးက အသက် ၇ဝ ကျော်ပြီ။ မျက်လုံးသိပ်ကောင်း တယ်။ နတ်မျက်စိလား အောက်မေ့ ရတယ်။ ခုထိမျက်မှန် မတပ်ရသေးဘူး''

''ဟုတ်တယ်။ မျက်စိ သိပ်ကောင်းတယ်''

''မျက်စိကောင်းချင်လိုက်တာ ။ ကျွန်မမှာ ခဏခဏ မျက်မှန်လဲ နေရတယ်။ မျက်စိ ဆရာဝန်က အတွင်းတိမ် ဖြစ်နေပြီတဲ့။ ကဗျာရေးရတာ သဲသဲကွဲကွဲ မမြင်ရဘူး''

''မကြည်ဆွေက ၆ဝ တောင် မပြည့်သေးဘူး ဘယ်လိုဖြစ်တာလဲ''

''ဟုတ်ပါရဲ့။ ဆားပုလင်းကြီး ဆို ၈ဝ ပြည့်တော့မယ်။ ကောင်းလိုက်တဲ့ မျက်စိ။ အဝေးကြည့်လဲ ထင်းခနဲ။ စာဖတ်လဲ ထင်းခနဲပဲ''
ဝတ္ထုတို ဆရာမ မစံပယ်က ဝင်ပြောလိုက်၏။

''ဒါဆို ဒေါက်တာ တင်မောင် ဆွေ လာရင် မေးကြည့်ရအောင်''

''အေး၊ ကောင်းတယ်။ နတ် မျက်စိဖြစ်အောင် ဘာတွေလုပ်ရမလဲ ဆိုတာ မေးကြည့်ရမယ်။ နည်းလမ်း တော့ရှိမှာပဲ''

ထိုစဉ် ဒေါက်တာတင်မောင်ဆွေ ရောက်ရှိလာ၏။

''ကြွပါဆရာ။ မစံပယ်တို့ ဆရာ့ကို မေးစရာရှိလို့တဲ့''

''ရပါတယ်ဗျာ။ မေးပါ။ ဘာများသိချင်လို့လဲ။ ကျွန်တော် ဖြေပါ့မယ်''

''ဒီလိုပါရှင်။ ဦးလှမောင်လို မျက်စိအားကောင်းချင်လို့ပါ။ နည်းလမ်းရှိရင် သိပါရစေ''

''ပြဿနာက ဒီလိုပါ။ ခုခေတ်မှာ လူတွေဟာ တီဗီ တစ်ချိန်လုံး ကြည့်ကြတယ်။ ကွန်ပျူတာ တစ်ချိန်လုံး ကြည့်ကြတယ်။ မျက်စိဒဏ်ပိတယ်။ မျက်ရိုးကိုက်တယ်။ ဇက်ကြောတက်တယ်။ ခေါင်းကိုက်တယ်။ အိပ်မပျော်ဘူး။ ဒါတွေဖြစ်လာကြတယ်။ ဆားပုလင်းကြီးက တီဗီလဲ မကြည့်ဘူး။ ကွန်ပျူတာလဲ များများမကြည့်ဘူး။ ပြီးတော့ ကျန်းမာရေးလဲ သိပ်လိုက်စားတယ်။ အဲဒါ ကွာခြားချက်ပဲ''

''တီဗီတွေ၊ ကွန်ပျူတာတွေက ဘယ်လို ဒုက္ခပေးသလဲဆရာ''

''လက်သည်က LED ပဲ။ Blue LED ခေါ်တယ်။ ဒါက အတို ကောက်ခေါ်တာ။ အပြည့်အစုံက Light Emitting Diodes တဲ့။ သူက အပြာရောင်ထွက်တယ်။ ပြီးတော့ လက်ကိုင်ဖုန်းတို့၊ မော်နီတာ တို့မှာလဲပါတယ်။ အပြာရောင်က တခြားအရောင်တွေထက် မျက်စိအပေါ်မှာ ဒဏ်ပိစေတယ်။ ဒုက္ခပေးတယ်။ အမေရိကန်နိုင်ငံ၊ ဒါးလပ်စ်ပြည်နယ်မှာ The Retina Foundation of the Southwest ဆိုတာရှိတယ်။ အဲဒီ အသင်းကြီးက မျက်စိပါရဂူဖြစ်တဲ့ Bernard Godley က ပြောတယ်။ အပြာရောင်ဟာ ရောင်စဉ် ခုနစ်သွယ်ထဲမှာ အားအပြင်းဆုံးပဲတဲ့။ အသားစိုင်ထဲကို ထိုးဖောက်ဝင်ရောက် နိုင်တယ်တဲ့။ ဆဲလ်တွေ ပျက်စီးနိုင်တယ်တဲ့''

''ဟာ- ဒါဆို တီဗီတွေ၊ ကွန်ပျူတာတွေ လွှင့်ပစ်ရမှာလား''

''ဟာ- ဒီလိုလဲ အစွန်းရောက် မသွားနဲ့ဦးလေ။ အလယ်အလတ် လမ်းစဉ်ကျင့်သုံးရမယ်လေ။ Aus-tralia က Optometrists Asso-ciation ရဲ့ အကြံပေးထားတာကို နားထောင်ပါဦးလေ။ ခုခေတ်မှာ တီဗီတွေ၊ ကွန်ပျူတာတွေ လုံးဝ ကင်းလို့လဲ မရပါဘူး။ အဲဒီတော့ တီဗီ ကြည့်ရင် အနည်းဆုံး လေးမီတာ အကွာကနေ ကြည့်ပါ။ ကပ်မကြည့်ပါနဲ့။ ပြီးတော့ မှောင်နေတဲ့ အခန်းထဲမှာ မကြည့်ပါနဲ့။ တီဗီကြည့်ရင် အခန်းကို မီးဖွင့်ထားပါ။ ပြီးတော့ တောက်လျှောက်မကြည့်ပါနဲ့။ နား နားကြည့်ပါ။

နာရီဝက်တစ်ခါလောက် ခဏ နားပြီးလမ်းလျှောက်ပါ''

''မကြည်ဆွေက ကိုရီးယား ဇာတ်လမ်းတွဲတွေ ကြည့်ရင် မထတော့ဘူး။ ပြီးတော့ ကပ်စေးနည်း ပြီး မီတာခသက်သာအောင် အမှောင် ထဲမှာပဲကြည့်တယ်''

''မီတာခသာ သက်သာသွားမယ်။ မျက်စိမသက်သာဘူး မကြည်ဆွေရေ''

''ဟုတ်ပါပြီ။ နောင်ကို ဆင်ခြင်ပါ့မယ်''

''ပြီးတော့ အတွင်းတိမ်အကြောင်း ပြောရဦးမယ်။ နေပူထဲ ထွက်ရင် ထီးဆောင်းပါ။ မလွဲသာမှ ထွက်ပါ။ နေကာမျက်မှန်တပ်ပါ။ နေရောင်ခြည်မှ UV Rays တွေပါတယ်။ အတွင်းတိမ်ဖြစ်စေတယ်။ အတွင်းတိမ်ဖြစ်ဖို့ အားပေးနေတဲ့ အချက်တွေလဲ မှတ်ထားဦး။ အသက် အရွယ်ကြီးရင့်လာတာရယ်၊ ဆေး လိပ်သောက်တာရယ်၊ မျက်စိမတော် မဆထိခိုက်မိတာရယ်၊ ဆီးချိုရောဂါ ရယ်၊ တချို့ ဆေးဝါးတွေရယ် ဒါတွေက အတွင်းတိမ် ဖြစ်စေတယ်''

''ဟုတ်ကဲ့ဆရာ''

''ပြီးတော့ Aged Related Macular Degeneration ဆိုတဲ့ ရောဂါ လဲရှိသေးတယ်။ ဒီရောဂါက UV Rays တွေ၊ Blue Light တွေနဲ့ ဆက်စပ်နေတယ်။ ပြီးတော့ Free Radical တွေရဲ့ ဖျက်ဆီးမှုနဲ့လဲ ဆက်နွယ်နေတယ်။ ဒီရောဂါကြောင့်လဲ မျက်စိကွယ်နိုင်တယ်''

''ဒါဆို အကာအကွယ်အနေနဲ့ ဘာလုပ်ရမလဲဆရာ''

''ဓာတ်တိုးဆန့်ကျင်ပစ္စည်းတွေ မှီဝဲရမယ်။ Antioxidant ခေါ်တာပေါ့။ ဗီတာမင်စီရယ်၊ ဗီတာမင် အီးရယ်၊ Lutein ရယ်၊ Zeaxanthin ရယ် မှီဝဲရမယ်''

''ဗီတာမင်စီတို့၊ ဗီတာမင်အီး တို့ကတော့ ဆရာခဏခဏ ပြောဖူးလို့ သိနေပါပြီ။ Lutein နဲ့ Zeax-anthin အကြောင်းပြောပါဦး ဆရာ''

''ဒီပစ္စည်းနှစ်ခုက Carotenoid Family လို့ခေါ်တဲ့ အဝါရောင်နဲ့ အနီရောင်ရှိတဲ့ အသီးအနှံတွေမှာပါတယ်။ သရက်သီး၊ သင်္ဘောသီး၊ မုန်လာဥနီ စသည်ဖြင့်ပေါ့ဗျာ။ ပြီးတော့ အစိမ်းရင့်ရောင် အရွက်ဖားဖားရှိတဲ့ ဟင်းသီးဟင်းရွက်တွေမှာလဲ ပါတယ်။ အဲဒါတွေစားပေးပေါ့ဗျာ''
''ဟုတ်ကဲ့ဆရာ''

''Macular ဆိုတာက Retina လို့ခေါ်တဲ့မြင်လွှာမှာ အရေးပါတဲ့ နေရာပဲ။ Zeaxanthin က Macular ရဲ့ အလယ်ခေါင်မှာ အလုပ်လုပ်တယ်။ Lutein က ဘေးမှာ အလုပ် လုပ်တယ်။ Zeaxanthin Luteiu က UV Light က မျက်စိကို ဒုက္ခမပေးအောင် ကာကွယ်ပေးတယ်။ ရေစစ်နဲ့ စစ်သလို UV ကို Filter လုပ်ထားပေးတယ်။ UV ကြောင့် အတွင်းတိမ်တို့၊ Age - Related Macular Degeneration ရောဂါတို့ မဖြစ်တော့ဘူး''

''ဟုတ်ကဲ့ဆရာ''

''ပြီးတော့ ဒီနှစ်ခုက ဓာတ်တိုး ဆန့်ကျင်တဲ့ အလုပ်လဲ လုပ်တယ်။ Lens တွေ၊ Retina နဲ့ Macula တွေ ကို Free Radical တွေ ဘေးရန်က နေကာကွယ်ပေးတယ်။ ဒီဓာတ်တွေက သိပ်ကိုအရေးပါတယ်။ ခက် တာက ကျွန်တော်တို့ ခန္ဓာကိုယ်က ဒီဓာတ်တွေကို မထုတ်လုပ်နိုင်ဘူး။ အစားအစာထဲမှာ ပါအောင်စားပေး မှပဲရမယ်။ လွယ်တာကတော့ ဒီဓာတ်နှစ်မျိုးစလုံးပါတဲ့ ဆေးတွေ သောက်ပေးနိုင်ရင်လဲရပါတယ်''

''ဒီဓာတ်တွေက ဘယ်ပမာဏ လောက်လိုပါသလဲ ဆရာ''

''Standardised Lutein ဆိုရင် တစ်နေ့ 10 mg လိုတယ်။ ပြီးတော့ Zeaxanthin ဆိုရင် တစ်နေ့ကို 5 mg အနည်းဆုံးလိုတယ်''

''ဟုတ်ကဲ့ဆရာ''

''ကွန်ပျူတာသုံးရင် ကွန်ပျူတာကြည့်တဲ့ သီးသန့် မျက်မှန်ရှိတယ်။ Multifocal Lens ပါတဲ့ မျက်မှန်ရှိတယ်။ အဲဒါကို သုံးပါ။ ပြီးတော့ သိပ်ကပ်မကြည့်ပါနဲ့။ ၁၈ လက်မအကွာက ကြည့်ပါ။ မော်နီတာကို မနိမ့်လွန်း၊ မမြင့်လွန်းအောင် စီစဉ်ထားပါ။ စာစီစာရိုက်လုပ်ရင် သက်သောင့်သက်သာ အနေအထားမှာ လုပ်ပါ။ ခါးမတ်မတ်ထားပါ။ ပြီးတော့ တစ်နာရီ ရိုက်ပြီးရင် ငါးမိနစ်နားပါ။ လမ်းထလျှောက်ပါ။ အဝေးက စိမ်းစိမ်းစိုစို ရှိတဲ့ သစ်ပင်တွေကို လှမ်းကြည့်ပါ။ မျက်တောင် ခဏခဏ ခပ်ပေးပါ။ မျက်စိ ကြွက်သားတွေ ပြေလျော့စေတဲ့ Optifresh မျက်စဉ်းရှိတယ်။ ခပ်ပေးပါ။ ကွန်ပျူ တာသုံးရင် အခန်းကို မီးဖွင့်ထားပါ။ မှောင်ထဲမှာ မကြည့်ပါနဲ့။ မော်နီတာ ပေါ်မှာ အလင်းပြန်တာ သက်သာ စေတဲ့ အလွှာတစ်ခုအုပ်ထားပါ။ မျက် စိကို အလင်းပြန်ပြီး ထိခိုက်တာ သက် သာစေတယ်။ ကွန်ပျူတာ သုံး ရင် ဒါတွေ လိုက်နာသင့်ပါတယ်''

''ဟုတ်ကဲ့ဆရာ။ မှတ်ထား ပါ့မယ်''

ထိုစဉ် ဆားပုလင်းကြီး ရောက် ရှိလာ၏။

''ဟာ- အန်ကယ်ဦးလှမောင် လာပြီ။ ကြွပါအန်ကယ်။ ဘယ်နဲ့လဲ The Stars Look Down ဖတ်လို့ ကောင်းရဲ့လား''

''သိပ်ကောင်းတယ်ဗျာ။ ဒီဝတ္ထုရှည်ကြီးက A.J.Cronin ရဲ့ လက်ရာတွေထဲမှာ Masterpiece ပဲဗျ။ ကျွန်တော်က Citadel ဖတ်ပြီး ကတည်းက A.J.Cronin ကို သိပ်ကြိုက်သွားတာ။ Adventures in the Two Worlds ရယ်၊ The Key of the Kingdom လဲ ဆက်ဖတ်ဦးမယ်။ ဒီ လေးအုပ်လုံးက A.J.Cronin ရဲ့ အကောင်းဆုံး လက်ရာတွေပဲဗျ''

''အန်ကယ်က သိပ်မျက်စိ ကောင်းတာပဲ။ နတ်မျက်စိ ကျနေတာပဲ။ ဒါလောက်ထူတဲ့ ဝတ္ထုစာအုပ်ကြီး တွေ အစအဆုံး ဖတ်နိုင်တယ်နော်''

''ဒါက မဆန်းပါဘူး။ အဓိကက ကျန်းမာရေးပါပဲ။ အန်ကယ် မနက်စောစောနေ့စဉ် လမ်းလျှောက်တယ်။ သက်သတ်လွတ်စားတယ်။ အသီးအနှံတွေ ဟင်းသီးဟင်းရွက်တွေ သိပ်ကြိုက်တာ၊ တီဗီမကြည့်ဘူး။ ကွန်ပျူတာကို သင့်ရုံပဲ ကြည့်တယ်။ ဥပုသ်စောင့်၊ တရားထိုင်တယ်။ အေးအေးချမ်းချမ်းနေတယ်။ အကောင်းမြင်ဝါဒ လက်ကိုင်ထားတယ်၊ သူတစ်ပါးကို ကူညီတယ်၊ အန်ကယ်ရှေ့နေ မလိုက်တော့ပါဘူး။ တစ်ယောက်ယောက်က တရားရုံးနဲ့ ပတ်သက်လို့ အကြံဥာဏ်တောင်းရင်တော့ မေတ္တာနဲ့ကူညီတယ်။ အန်ကယ့် လိုသာနေ။ နတ်မျက်စိတင်မကဘူး နတ်နားပါရလိမ့်မယ် ဟဲ-ဟဲ-''

ဆားပုလင်းကြီး၏ စကားကြောင့် တစ်ဝိုင်းလုံး တဟားဟား တဝါးဝါးနှင့် ပွဲကျသွားလေတော့၏။

ရည်ညွှန်းချက်။ ။ Malaysia နိုင်ငံထုတ် Star သတင်းစာမှ Pahang Pharmacy အဖွဲ့ဝင် ပါရဂူများ ရေးထားသော Blurrily Blueဆေးပညာဆောင်းပါးကို မှီငြမ်းကိုး ကားပါသည်။
အောင်(ဆေး-၁)