ဆန်းသစ်လာသော မျိုးဗီဇ နည်းပညာများ

မိုးက တဖွဲဖွဲရွာနေ၏။

ရန်ကုန်-အင်းစိန် လမ်းမကြီးပေါ်၌ ယာဉ်မျိုးစုံ ဥဒဟိုသွားလာ နေကြ၏။

ဦးရွှေနုလမ်းထိပ်နှင့် ဓားလွယ် ခုတ်အရပ်တွင်ရှိသော ငွေတောင် လက်ဖက်ရည်ဆိုင်တွင် လူစည်ကားနေ၏။ လက်ဖက်ရည် အရသာ ကောင်းသဖြင့် ထိုဆိုင်သည် နာမည် ကြီးလျက်ရှိသည်။

ဓာတ်ခွဲခန်းမှူး ဦးဥာဏ်အုန်းသည် ဧည့်သည်များအား ထိုဆိုင်တွင် ဧည့်ခံလေ့ရှိ၏။ လက်ဖက်ရည်အပြင် ဒေါ်ပြုံးဆိုင်မှ ဝက်သားဟင်းနှင့် ထမင်းကြော်ကိုလည်း မှာယူကျွေးမွေးသေး၏။

ဘာသာပြန်ဆရာ မောင်သိန်းငှက် (ကယားပြည်)နှင့် ကဗျာဆရာမောင် တိုင်ပြာတို့သည် ထမင်းကြော်ကို အားရပါးရစားနေကြ၏။ စာပေလောကတွင် ဝါစဉ်ကြီးသော မောင်သိန်း ငှက်အား ကယားကြီးဟု အဖျား ဆွတ်ကာခေါ်ကြ၏။ ထိုသို့ချစ်စနိုး ခေါ်သည်ကို မောင်သိန်းငှက်က လည်းသဘောကျနေ၏။

ဦးဥာဏ်အုန်းက ပျူငှာစွာဖိတ် ခေါ်လိုက်၏။

''ကယားကြီး လိုက်ပွဲယူပါဦး၊ ကိုတိုင်ပြာလဲထည့်စားလေ''

''ဝပြီ ဦးဥာဏ်အုန်း၊ သုံးပန်း ကန်ရှိသွားပြီ''

''ဒါဆို လက်ဖက်ရည် သောက်ကြဗျာ''

''ကဗျာဆရာ မောင်ဒေါန မလာနိုင်ရှာဘူး။ နှလုံးရောဂါ ထနေတယ်။ သူကမျိုးရိုးရှိတယ်။ သူ့အဖေလဲ နှလုံးရောဂါ ရှိတယ်။ ကဗျာဆရာ ကျော်ခေါင်လဲ ဆီးချိုတက်နေတယ်။ သူ့အဖေမှာလဲ ဆီးချိုရှိနေတယ်၊ ဒီရောဂါတွေက မျိုးရိုးဗီဇနဲ့များ ဆိုင်နေသလား''

''ဖြစ်နိုင်တယ်ဗျ၊ စာရေးဆရာ မောင်ပေတလူရဲ့ သားကျတော့ သွေးမတိတ် ရောဂါရှိတယ်။ သူ့အဘိုးမှာလဲ သွေးမတိတ် ရောဂါရှိတယ်''

''ဟော- ဟိုမှာ ဒေါက်တာ တင်မောင်ဆွေလာနေပြီ၊ သူ့ကိုမေး ကြည့်မယ်''

''ကောင်းတယ်၊ ဦးဥာဏ်အုန်း မေးဗျာ''

မကြာမီ ဒေါက်တာတင်မောင် ဆွေရောက်ရှိလာ၏။

''မင်္ဂလာပါဆရာ၊ ကြွပါ။ ဆရာ့ကိုမေးဖို့ ပရိသတ်ကစောင့်နေတယ်''

''ဘာများလဲ ဦးဥာဏ်အုန်း၊ သိချင်တာရှိရင်မေးပါ။ ကျွန်တော် အားပါတယ်''

''ရောဂါဖြစ်တာမျိုးရိုးဗီဇနဲ့ ဆိုင်လားဆရာ''

''ဆိုင်ပါတယ်။ မျိုးရိုးဗီဇရော၊ ပတ်ဝန်းကျင်ရော အရေးပါပါတယ်။ ခု မျိုးရိုးဗီဇပညာက သိပ်ကိုတိုးတက်လာပြီ၊ မျိုးရိုးဗီဇ ပညာကြောင့် ရောဂါအကြောင်း ပိုနားလည်လာတယ်။ ကုထုံးသစ်တွေ ပေါ်လာတယ်။ ကုသချက်တွေ ပိုကောင်းလာတယ်''

''ဟုတ်လား၊ ဒါဆိုရှင်းပြပါဦး''

''မျိုးရိုးဗီဇပညာကြောင့် Per-sonalized Therapy ဆိုတာပေါ်လာတယ်။ လွယ်လွယ်ပြောရရင် လူနာတစ်ဦးချင်းစီရဲ့ သီးခြားလိုအပ်ချက်အတိုင်း ကုတာကို ဆိုလိုတာပေါ့ဗျာ။ အရင်ကုထုံးနဲ့ပြောရရင် ဥပမာ-ပါရာစီတမော ဆိုပါတော့။ တစ်ခါ သောက်သုံးပြား၊ တစ်နေ့သုံးကြိမ် ဒါက စံသတ်မှတ်ချက်ပေါ့ဗျာ။ ဦးဘလဲဒါပဲ၊ ဦးမြလဲဒါပဲ၊ ခုကျတော့ ဦးဘနဲ့ ဦးမြက မျိုးရိုးဗီဇ အသေးစိတ်မှာ ကွဲလွဲနေတယ်။ ဒါကြောင့် ဦးဘက နှစ်ပြားခွဲဖြစ်ပြီး ဦးမြက သုံးပြားနဲ့လေးပုံတစ်ပုံ ဖြစ်သွားပြီ။ လွယ်အောင် ဥပမာ ပြောတာပါ''

''ဟုတ်ကဲ၊ ရှင်းပါပြီဆရာ''

''ရလဒ်က ဦးဘဟာ မလိုအပ်ပဲ ဆေးတွေ ပိုသောက်စရာ မလိုဘူး၊ ငွေကုန်သက်သာတယ်၊ ဦးမြကျတော့ လိုအပ်တဲ့ ဆေးပမာဏပြည့်ပြည့်ဝဝ ရတယ်။ အရင်က လူနာတစ်ဦးချင်း စီရဲ့ မျိုးရိုးဗီဇကို မသိရတော့ အဲသလို ပုဂ္ဂိုလ်လိုက်ပြီးကုထုံးပြောင်းရာ ညှိ ပေးတာမရှိခဲ့ဘူးဗျ''

''ခု မျိုးရိုးဗီဇ ဘာဆိုတာ သိ ပြီးပေါ့''

''ခုမှ မဟုတ်ဘူးဗျ၊ လွန်ခဲ့တဲ့ ဆယ်နှစ်ကတည်းက သိပြီးသား။ Human Genome လို့ခေါ်တဲ့လူသား မျိုးရိုးဗီဇအတွဲကြီးကို အစအဆုံး ဖင်ပြန်ခေါင်းပြန် လေ့လာပြီးပြီ၊ DNA Sequencing လို့ခေါ်တယ်။ ပထမဦး ဆုံးစလုပ်တုန်းက တစ်ခုလုံးပြီးဖို့ ၁၃ နှစ်ကြာခဲ့တယ်။ ပညာရှင်တွေ ပင် ပင်ပန်းပန်းကြိုးစားခဲ့ကြရှာတယ်''

''ဟာ- ကြာလှချည်လား''

''စ စ ချင်းကိုးဗျ၊ ၁၃ နှစ် ဆိုတော့ ဆေးကုတဲ့ နေရာမှာ သုံးဖို့ အံ မဝင်လှဘူး။ အဲ-ခုတော့ ခေတ်မီ နည်းစနစ်တွေကြောင့် ၁၃ နာရီပဲ ကြာတော့တယ်''

''ဟာ- မြန်လှချည်လား''

''မြန်ရမယ်လေ၊ ဒါမှလဲရောဂါ ကုတဲ့နေရာမှာ အသုံးဝင်မှာပေါ့''

''ဟုတ်တာပဲ၊ ချက်ချင်းအဖြေ ရမှဆေးကုနိုင်မှာဘဲ၊ ၁၃ နှစ်သာ စောင့်ရင် လူနာသေဖို့ပဲရှိတော့တယ်''

''ဒါပေါ့ဗျာ။ ခု London မှာရှိတဲ့ Royal Brompton Hospital မှာ စီမံကိန်း တစ်ခုလုပ်နေတယ်။ လူနာပေါင်း တစ်သောင်းကို လေ့လာမယ်။ သူတို့ရဲ့ Human Genome ကို အစအဆုံး ခွဲခြမ်းစိတ်ဖြာကြည့်မယ်။ Human Genome တစ်ခုလုံးမှာ Gene ပေါင်း ၂၂ဝဝဝ ပါတယ်။ ဒီ Gene တွေအားလုံးလေ့လာမယ်''

''လ တွေက မနည်းပါ လားဆရာ''

''သူတို့က ဘာရောဂါကိုအဓိ ကထားပြီး လေ့လာမှာတဲ့လဲ ဆရာ''

''အဓိက က နှလုံးရောဂါဗျ။ Royal Bromption Hospitalံသျစငအေူ ကဌာန ရောဂါကို အထူးကုသပေးတဲ့ ဆေး ရုံပဲ၊ မျိုးရိုးဗီဇကြောင့် နှလုံးရောဂါ ဘယ်လိုဖြစ်လာတာလဲဆိုတာ လေ့လာမယ်ဗျ။ ပြီးတော့နှလုံးကို MRI Scan နဲ့ အသေးစိတ် ဓာတ်မှန်ရိုက်ဦးမှာဗျ၊ နှလုံးအကြောင်း အသေးစိတ် လေ့လာတဲ့ သဘောပဲ၊ ဒီသုတေသန စီမံချက်ကို National Institute for Health Research က ထောက်ပံ့တယ်။ လေးနှစ်တာ ကာလအတွင်းမှာ ရန်ပုံငွေ စုစုပေါင်း စတာလင်ပေါင်း ခြောက်သန်းထောက်ပံ့တယ်ဗျ''

''ရန်ပုံငွေက အများကြီးပါလား''

''များမှလဲ လုပ်နိုင်မှာ၊ သုတေ သနဆိုတာငွေကုန်တယ်ဗျ''

''ဒီသုတေသနကိုဘယ်သူ ဦးဆောင်တာလဲ ဆရာ၊ နှလုံးအထူးကု မပါဘူးလား''

''ဘယ်နေမလဲ၊ ပါတာပေါ့ဗျာ။ Professor Dudley Pennell က ဦးဆောင်တယ်။ သူက Royal Bro-mpton Hospital မှာလုပ်တယ်။ ရာထူးက Director of the Cardiova-scular of Cardiology ဗျ။ London မှာရှိတဲ့ Imperial College က ရာထူးဗျ''

''ရာထူးတွေကလဲ များလိုက်တာ''

''ပါရဂူကြီးတွေကိုးဗျ၊ Profes-sor Pennell ကပြောတယ်။ သူတို့ အဖွဲ့ရဲ့ ရည်ရွယ်ချက်က လူနာတွေကို Personalized Therapy နဲ့ ကုနိုင်အောင်လို့ပါပဲတဲ့''

''ကောင်းသဗျာ၊ ထိရောက်မယ့် ကုသမှုမျိုးပဲ''

''နောက် ပါရဂူတစ်ယောက်ကလဲ ခုသုတေသနကို ချီးကျူးထားတယ်။ သူ့နာမည်က Profess-or Dame Sally Davies တဲ့၊ ရာထူးက Director General of Research and Development for the Department of Health and NHS ဗျ။ သူကပြောတယ်။ ဆယ်နှစ် အတွင်းမှာ မျိုးရိုးဗီဇပညာဟာ အရမ်းကို တိုးတက်လာပါတယ်တဲ့။ ခု သုတေသနဟာ သိပ်ကိုစိတ်ဝင်စားစရာ ကောင်းပါတယ်တဲ့။ ပြီးတော့ Personalized Therapy ကို ဦးတည် နေပါတယ်တဲ့''

''လွန်ခဲ့တဲ့ ဆယ်နှစ်က အမေ ရိကန်သမ္မတရယ်၊ ဗြိတိသျှ ဝန်ကြီးချုပ်ရယ်က မျိုးရိုးဗီဇအကြောင်း ကြေညာခဲ့တယ် မဟုတ်လား''

''ကယားကြီးက မှတ်ဥာဏ် ကောင်းတယ်။ လွန်ခဲ့တဲ့ ဆယ်နှစ်က အကြောင်းကို မှတ်မိတယ်ဗျ။ ဟုတ်ပါတယ်။ သမ္မတကလင်တန်နဲ့ ဝန်ကြီးချုပ် တိုနီဘလဲတို့က Human Genome ကို အစအဆုံး ခွဲခြမ်းစိတ် ဖြာနိုင်ပြီဆိုပြီး သတင်းစာ ရှင်းလင်းပွဲမှာ ကြေညာခဲ့တယ်''

''ထူးခြားလို့ပေါ့နော်''

''ဟုတ်တယ်၊ ထူးခြားတယ်။ One of the Greatest Medical Break Throughs ဆိုပြီး ပညာရှင် တွေချီးကျူးခဲ့ကြတယ်''

''ဟုတ်ကဲ့ဆရာ''

''Wellcome Trust Sangen Institute ဆိုတာက Cambridge နားမှာရှိတယ်။ DNA Sequencing မှာ နာမည်ကြီးပေါ့ဗျ။ ဒီ Institute က ကမ္ဘာ့ထိပ်တန်း ဓာတ်ခွဲခန်းကြီး နှစ်ဆယ်ထက်တောင် သာနေတယ်တဲ့။ အဲဒီ Institute က ပါရဂူ Professor Mike Strattion ကလဲပြောတယ်။ Personalized Therapy ဖြစ်လာတော့မှာပါတဲ့''

''အားရစရာပါပဲ ဆရာရယ်။ နှလုံးရောဂါအပြင် တခြားရောဂါတွေရော မျိုးရိုးဗီဇကို အခြေခံပြီး မကုဘူးလား''

''ဘယ်နေမလဲဗျာ ကုမှာပေါ့၊ နှလုံးရောဂါ တစ်ခုတည်းဘယ်ဟုတ် ပါ့မလဲ။ နှလုံးရောဂါက ပထမဦးစား ပေးပေါ့ဗျာ။ ပြီးရင်လာမှာပေါ့။ လူနာ တွေကိုဒုက္ခပေးနေတဲ့ ကင်ဆာကိုလဲ ဘယ်ချန်ထားပါ့မလဲ။ ကင်ဆာက မျိုးရိုးဗီဇနဲ့ အတော်သက်ဆိုင်နေ တယ်''

''ဟုတ်ကဲ့ဆရာ''

''ပြီးတော့ သွေးတိုး၊ ဆီးချို၊ အဝလွန် ဒါတွေလဲ ဆက်လာဦးမှာပေါ့''

ထိုစဉ် လက်ဖက်ရည်ဆိုင် အတွင်းသို့ ဒေါက်တာကျော်ဆွေ သိန်းရောက်ရှိလာ၏။

''ဟာ- ဆရာကျော် လာဗျာ။ လက်ဖက်ရည်သောက်ရအောင်''

''ဦးဥာဏ်အုန်း လိုက်ခဲ့ဦး၊ လက်ဖက်ရည်နောက်မှသောက်မယ်၊ ဦးဥာဏ်အုန်းခြံထဲ သွားရအောင်''

''ဘာများလဲ ဆရာ။ ဘာအရေးကြီးလို့လဲ''

''အရေးကြီးတယ်ဗျ။ ညောင် ရမ်းဆေးတိုက်ကို အသစ်ရောက်လာတဲ့ သူနာပြု ဆရာမ ချောချောလေးက ခရေပန်း ပန်ချင်လို့တဲ့၊ လုပ်ပါဦး ဦးဥာဏ်အုန်းရယ်''
''ဆရာကျော့်ရောဂါကလဲ မျိုး ရိုးလိုက်တာကိုး''

''ဘာဖြစ်လို့လဲဗျ''

''ဆရာ့အဖေတုန်းကလဲ ကျွန် တော်ခရေပန်းခူးပေးခဲ့ရတယ်''

''ဟာ- ဦးဥာဏ်အုန်းကလဲ ဖော်ကောင်လုပ်ပြီဗျာ''

ရည်ညွှန်းချက်။ ။ BBC News မှ 10000 NHS Patients to Have Genes Mapped" ဆေးပညာဆောင်းပါးကို မှီငြမ်း ကိုးကားပါသည်။
အောင်(ဆေး-၁)