မြန်မာနိုင်ငံတွင် နိုင်ငံခြားတိုက်ရိုက် ရင်းနှီးမြှုပ်နှံမှု သမိုင်းတစ်လျှောက် စံချိန်တင်သည့်နှစ် ဖြစ်လာ ၂၀၁၀ ဧပြီ ၃၁ ရက်နေ့အထိ လေးလအတွင်းအမေရိကန်ဒေါ်လာ

၂၀၁၀ ပြည့်နှစ် ဧပြီလမှဇူလိုင်လ ၃၁ ရက်နေ့အထိ လေးလအတွင်း၌ပင် မြန်မာနိုင်ငံတွင် ပြည်ပနိုင်ငံများ၏ နိုင်ငံခြားတိုက်ရိုက် ရင်းနှီးမြှုပ်နှံမှု ပမာဏမှာ အမေရိကန်ဒေါ်လာ ၁၆ ဘီလျံနီးပါး ရှိလာသည့်အတွက် ၂၀၁၀ ပြည့်နှစ်သည် သမိုင်းတစ်လျှောက် နိုင်ငံခြားရင်းနှီးမြှုပ်နှံမှု စံချိန်တင်သည့်နှစ် ဖြစ်လာခဲ့ကြောင်း တရားဝင် ထုတ်ပြန်ပေးချက်များအရ သိရသည်။


၁၉၈၈ ခုနှစ် နောက်ပိုင်း နိုင်ငံခြားတိုက်ရိုက် ရင်းနှီးမြှုပ်နှံမှုဥပဒေ ပေါ်ပေါက်လာသည်မှ ၂၀၁၀ ပြည့်နှစ် မတ်လ ၃၁ ရက်နေ့ နှစ်ပေါင်း ၂၀ ကျော်ကာလအတွင်း မြှုပ်နှံမှုစုစုပေါင်းမှာ အမေရိကန်ဒေါ်လာ ၁၆ ဒသမ ၀၅ ဘီလျံသာရှိခဲ့ကြောင်း၊ ယခုနှစ် ဧပြီလမှ ဇူလိုင်လကုန်အထိ လေးလအတွင်းမြှုပ်နှံမှုမှာ ၁၆ ဘီလျံ နီးပါး အထိရှိနေသည့်အတွက် စုစုပေါင်း ပမာဏမှာ ၃၁ ဘီလျံကျော်အထိ ရှိလာသည်ဟု သိရသည်။


"၁၉၈၈ နောက်ပိုင်းကနေ ၂၀၁၀ မတ်လ ၃၁ အထိ နှစ်ပေါင်း ၂၀ ကျော်ကာလတစ်လျှောက် နိုင်ငံ ၃၁ နိုင်ငံကနေ လုပ်ငန်း ၄၃၀ မှာ လာပြီးမြှုပ်နှံမှု စုစုပေါင်းက အမေရိ ကန်ဒေါ်လာ ၁၆ ဒသမ ၀၅ ဘီလျံပဲ ရှိခဲ့တာလေ။ ဒီနှစ် ဧပြီလကနေ ဇူလိုင်လ ၃၁ ရက်အထိ လေးလထဲမှာပဲ လာပြီးမြှုပ်နှံတာက ၁၅ ဒသမ ၈၄ ဘီလျံလောက်ရှိသွားတော့ စုစုပေါင်း ၃၁ ဘီလျံကျော်သွားတာ ပေါ့။ ဆိုလိုတာကနှစ်ပေါင်း ၂၀ ကျော်မြှုပ်နှံလာတဲ့ ပမာဏစုစုပေါင်း နီးပါးကို လေးလထဲမှာ ထပ်ပြီးမြှုပ်နှံလာတာဖြစ်လို့ ဒီနှစ်ကတော့ နိုင်ငံခြားရင်းနှီးမြှုပ်နှံမှု သမိုင်းမှာ စံချိန်တင်နှစ်လို့ ပြောတော့မယ်။ နှစ်ပေါင်း ၂၀ ထဲမှာ အမြင့်ဆုံးမြှုပ်နှံခဲ့တဲ့နှစ်က ၂၀၀၅-၂၀၀၆ ဘဏ္ဍာရေးနှစ်မှာ အမေရိကန်ဒေါ်လာ ၆ ဘီလျံမြှုပ်နှံတုန်းကပါ။ အခုကတော့ နှစ်တောင်မကုန်သေးဘူး လေးလလောက်မှာပဲ ၁၆ ဘီလျံနီးပါး မြှုပ်နှံတာဖြစ်တဲ့အတွက် သမိုင်းတစ်လျှောက် စံချိန်တင်တယ် လို့ပြောရတာပါ"ဟု UMFCCI မှ တာဝန်ရှိသူတစ်ဦးက တရားဝင်ထုတ် ချက်များအပေါ် ရှင်းပြခဲ့သည်။


လေးလအတွင်း မြှုပ်နှံလာသည့် အမေရိကန်ဒေါ်လာ ၁၆ ဘီလျံနီးပါးမှာ ရေနံနှင့်သဘာဝ ဓာတ်ငွေ့ကဏ္ဍတွင် အများဆုံးမြှုပ်နှံထားပြီး စွမ်းအင်ကဏ္ဍတွင် ဒုတိယအများဆုံး မြှုပ်နှံခြင်းဖြစ်ကြောင်း သိရသည်။


အများဆုံး မြှုပ်နှံထားသည့် နိုင်ငံများမှာ ထိုင်း၊ တရုတ်၊ ဗြိတိန်၊ ဟောင်ကောင်နှင့် ကိုရီးယားနိုင်ငံ များဖြစ်ကြောင်း သိရသည်။


"ထုံးစံအတိုင်းပေါ့၊ အများဆုံး မြှုပ်နှံတာက ရေနံနဲ့သဘာဝဓာတ်ငွေ့မှာပဲ။ အာရှနိုင်ငံတွေကပဲ အများဆုံးမြှုပ်နှံတာပါ။ ဗြိတိန်ကတော့ ဒီနှစ်ထူးထူးခြားခြား ပြန်မြှုပ်နှံလာပေမယ့် လတ်တလောစာရင်းအရ တော့ အမေရိကန်ဒေါ်လာ ၁ ဘီလျံ နီးပါးလောက်ပဲ ရှိပါတယ်"ဟု ၎င်း က ဆက်လက်ရှင်းပြခဲ့သည်။


"အခုဆိုရင် အမြင့်ဆုံးမြှုပ်နှံ ထားတာကလည်း ရေနံနဲ့သဘာဝ ဓာတ်ငွေ့ပဲ။ ခြုံပြောရရင် ရှားပါးတဲ့ သဘာဝသယံဇာတ ကဏ္ဍမှာပဲ အဓိကမြှုပ်နှံလာကြတယ်လို့ ပြောချင်တာပါ။ တခြား ကုန်ထုတ်လုပ်မှုတို့၊ နိုင်ငံ အတွက်အရေးပါတဲ့ စိုက်ပျိုးရေးကဏ္ဍ တို့လိုနေရာမျိုးမှာ မြှုပ်နှံတာကတော့ ထပ်တိုးလာတာကို မရှိသေးဘူး။ ပြောချင်တာက နိုင်ငံအများစု မျက်စိကျတာက သဘာဝသယံဇာတပဲ ရှိတယ်လို့ဆိုလိုတာပါ။ ရင်းနှီးမြှုပ်နှံ မှုမြင့်တက်လာတိုင်း အလုပ်အကိုင် အခွင့်အလမ်းသစ်တွေ၊ ထုတ်ကုန်သစ်တွေ၊ စိုက်ပျိုးထုတ်လုပ်မှု နယ်ပယ် ထိုးတက်လာမယ့်ကဏ္ဍမျိုးတွေ မပါလာတဲ့အတွက်တော့ အားရစရာ သိပ်မရှိဘူးပေါ့ဗျာ"ဟု ကုန်ထုတ် လုပ်ငန်းရှင်ကြီး တစ်ဦးကလည်း ရှင်းပြခဲ့သည်။

နိုင်ငံခြားရင်းနှီးမြှုပ်နှံမှု ပမာဏ (အမေရိကန်ဒေါ်လာ၊ ဘီလျံ)

၁၉၈၈ ခုနှစ်နောက်ပိုင်းမှ ၂၀၁၀ ပြည့်နှစ် မတ်လ ၃၁ ရက်ထိ - ၁၆ .၀၅ ဘီလျံ
၁၉၈၈ ခုနှစ်နောက်ပိုင်းမှ ၂၀၁၀ ပြည့်နှစ် ဇူလိုင်လ ၃၁ ရက်ထိ - ၃၁ .၈၉၅ ဘီလျံကျော်


နိုင်ငံခြားရင်းနှီးမြှုပ်နှံမှု အများဆုံးပြုလုပ်သည့် ထိပ်ဆုံးကဏ္ဍ ၅ မျိုး (အမေရိကန်ဒေါ်လာ-သန်း)
အမျိုးအစား
ပမာဏ (၃၁-၃-၂၀၁၀)
ပမာဏ(၃၁-၇-၂၀၁၀)
ရေနံနှင့် သဘာဝဓာတ်ငွေ့
၃၆၃၆ .၀၈
၁၃၄၄၇ .၉၇၅
စွမ်းအင်
၆၃၁၁ .၂၂
၁၁၃၄၁ .၆၃၂
သတ္တုတူးဖော်ရေး
၁၃၉၈ .၃၉
၂၃၉၅ .၃၈၆
ကုန်ထုတ်လုပ်မှု
၁၆၆၂ .၁၂၆
၁၆၆၂ .၁၂၆
ဟိုတယ်နှင့် ခရီးသွားလာရေး
၁၀၆၄ .၈၁၁
၁၀၆၄ .၈၁၁


နှစ်အလိုက် နိုင်ငံခြားရင်းနှီးမြှုပ်နှံမှု ပမာဏများ (အမေရိကန်ဒေါ်လာ-သန်း)
ဘဏ္ဍာရေးနှစ် နိုင်ငံခြားရင်းနှီးမြှုပ်နှံမှုတန်ဖိုး
၂၀၀၅-၂၀၀၆
၆၀၆၅.၆၇၅
၂၀၀၆-၂၀၀၇
၇၅၂.၇၀၀
၂၀၀၇-၂၀၀၈
၁၇၂.၇၂၀
၂၀၀၈-၂၀၀၉
၉၈၄.၉၉၆
၂၀၀၉-၂၀၁၀
၃၀၂.၃၅၀
၂၀၁၀ (ဇူလိုင်လထိ)
၃၁၈၉၅